Kate Bosse-Griffiths

EIFFTOLEGYDD, LLENOR

Yn enedigol o’r Almaen, gwnaeth Kate Bosse-Griffiths gyfraniad unigryw i lenyddiaeth Gymraeg yr ugeinfed ganrif ac mae’n cael ei chofio fel Eifftolegydd o fri. Wedi dianc rhag erledigaeth y Natsïaid yn 1936, aeth siwrnai Kate â hi i’r Pentre yn y Rhondda ac yna i Abertawe. Meistrolodd y Gymraeg ac ysgrifennu nifer o gerddi a straeon yn Gymraeg. Cyfrannodd at ddarlledu cynnar yn y Gymraeg (1950au) a chafodd ei phenodi’n Guradur Amgueddfa Wellcome yn Adran y Clasuron yng Ngholeg Prifysgol Abertawe (1970au). Yno y treuliodd weddill ei hoes, yn gwneud yr hyn yr oedd yn ei hoffi fwyaf: catalogio, trefnu ac ymchwilio i arteffactau o’r Aifft.

CATEGORI: Y celfyddydau
DYDDIADAU: 1910-1998
LLEOLIAD: Pentre
RHANNU: