Elaine Morgan

AWDUR, SGRIPTWRAIG, ANTHROPOLEGYDD

Magwyd Elaine Floyd ger Pontypridd ac aeth i fyw yn ddiweddarach i Aberpennar. Roedd yn awdur o fri, yn ysgrifennu ar gyfer y teledu ac am anthropoleg. Ysgrifennodd sgriptiau ar gyfer y ddrama fywgraffiadol a ddarlledwyd yn 1981 The Life and Times of David Lloyd George ac addasiadau teledu megis How Green Was My Valley yn 1975, a Testament of Youth yn 1979. Yn 1972 cyhoeddodd ei llyfr The Descent of Woman, yn herio safbwynt wrywaidd The Naked Ape Desmond Morris, er bod ei syniadau ffeministaidd yn cael eu hwfftio mewn cylchoedd academaidd ar y pryd. Mae ei damcaniaethau bellach wedi cael cryn dipyn o sylw, a chawsant eu trafod yn helaeth gan David Attenborough yn y gyfres radio The Waterside Ape yn 2016.

CATEGORI : Gwyddoniaeth
DYDDIADAU: 1920-2013
LLEOLIAD: Pontypridd
RHANNU: